ന്യൂഡല്‍ഹി: രാജ്യത്ത് പുതുതായി സ്ഥിരീകരിക്കുന്ന കൊവിഡ് കേസുകളില്‍ 71 ശതമാനവും പത്തു സംസ്ഥാനങ്ങളില്‍ നിന്ന്. ഇന്ന് രാജ്യത്ത് 4,03,738 പേര്‍ക്കാണ് കൊവിഡ് സ്ഥിരീകരിച്ചത്. ഇതിന്റെ 71.75 ശതമാനവും കേരളം ഉള്‍പ്പെടെയുള്ള 10 സംസ്ഥാനങ്ങളിലാണ്.

മഹാരാഷ്ട്രയിലാണ് ഏറ്റവും കൂടുതല്‍ കൊവിഡ് കേസുകള്‍ ഒറ്റ ദിനത്തില്‍ സ്ഥിരീകരിച്ചത്. 56578 പേര്‍ക്ക് സ്ഥിരീകരിച്ചു. 47563 കേസുകള്‍ സ്ഥിരീകരിച്ച കര്‍ണാടക രണ്ടാമതും 41971 കേസുകള്‍ സ്ഥിരീകരിച്ച കേരളം മൂന്നാമതുമാണുള്ളത്.

തമിഴ്‌നാട്, ഉത്തര്‍പ്രദേശ്, ആന്ധ്രപ്രദേശ്, പശ്ചിമബംഗാള്‍, രാജസ്ഥാന്‍, ഡല്‍ഹി, ഹരിയാന എന്നീ സംസ്ഥാനങ്ങളാണ് തൊട്ടുപിന്നാലെയുള്ളത്.