മഞ്ചേരി: സന്തോഷ് ട്രോഫി ഫുട്‌ബോളില്‍ ഇത്തവണ കേരളം ബംഗാള്‍ ഫൈനല്‍. രണ്ടാം സെമിയില്‍ മണിപ്പുരിനെ പരാജയപ്പെടുത്തിയാണ് ബംഗാള്‍ ഫൈനലില്‍ കടന്നത്. എതിരില്ലാത്ത മൂന്ന് ഗോളിനായിരുന്നു ബംഗാളിന്റെ ജയം. 46ാം തവണയാണ് ബംഗാള്‍ സന്തോഷ് ട്രോഫി ഫൈനലില്‍ എത്തുന്നത്. അതില്‍ 32 തവണ അവര്‍ ചാംപ്യന്മാരായി. മേയ് രണ്ടിനാണ്‌കേരളം ബംഗാള്‍ കലാശപ്പോരാട്ടം. രാത്രി എട്ടു മണിക്ക് മഞ്ചേരി പയ്യനാട് സ്റ്റേഡിയത്തിലാണ് മത്സരം.