മലപ്പുറം: കൊവിഡിന്റെ അതിവേഗം പടരുന്ന മൂന്ന് വകഭേദങ്ങള്‍ മലപ്പുറം ജില്ലയില്‍ കണ്ടെത്തി. യു.കെ, സൗത്ത് ആഫ്രിക്ക, മഹാരാഷ്ട്ര എന്നിവിടങ്ങളില്‍നിന്നുള്ള വകഭേദമാണ് ജില്ലയില്‍ കാണപ്പെടുന്നതെന്ന് ആരോഗ്യവകുപ്പ് അധികൃതര്‍ പറയുന്നു.
അതിവേഗം പടരുമെന്നതാണ് മൂന്ന് വകഭേദങ്ങളുടേയും പ്രത്യേകത. ടെസ്റ്റ് പോസിറ്റിവിറ്റി ഇന്നലെ 33.58 ശതമാനമാണ്. ഞായറാഴ്ച 37.25 ശതമാനം.

58.33 ശതമാനവും യു.കെയില്‍നിന്നുള്ള വകഭേദമാണ്. കഴിഞ്ഞ വര്‍ഷം അവസാനത്തോടെ തന്നെ ജില്ലയിലെ പലയിടങ്ങളിലായി യു.കെ വകഭേദം ജില്ലയില്‍ കണ്ടുവരുന്നതായി ആരോഗ്യ വകുപ്പ് അധികൃതര്‍ പറയുന്നു.
സൗത്ത് ആഫ്രിക്ക വകഭേദം 5.56 ശതമാനം മാത്രമാണ്. മഹാരാഷ്ട്ര വകഭേദം 13.89 ശതമാനമാണ്. എന്നാല്‍ ഇവയുടെ ഉറവിടം കണ്ടെത്താന്‍ ഇതുവരെയായിട്ടില്ല.