പത്തനംതിട്ട: കോന്നി പള്ളിപ്പടിയില്‍ കെ.എസ്.ആര്‍.ടി.സി ബസ് കാറിലിടിച്ച ശേഷം നിയന്ത്രണം വിട്ട് പള്ളിയുടെ കമാനം തകര്‍ത്തു. ഇടിയുടെ ആഘാതത്തില്‍ പള്ളിയുടെ കമാനം ബസിന്റെ മുകളില്‍ വീണു. നിരവധി പേര്‍ക്ക് പരുക്ക്. ഇവരെ ജനറല്‍ ആശുപത്രിയിലേക്ക് മാറ്റി. ബസ് ഡ്രൈവറുടേതുള്‍പ്പെടെ മൂന്നു പേരുടെ നില ഗുരുതരമാണ്‌

ഉച്ചയ്ക്ക് 1.30 ഓടെയാണ് അപകടം. കെഴവള്ളൂര്‍ ഓര്‍ത്തഡോക്‌സ് പള്ളിക്ക് സമീപമാണ് അപകടം ഉണ്ടായത്.

പത്തനംതിട്ടയില്‍ നിന്ന് തിരുവനന്തപുരത്തേക്ക് പോവുകയായിരുന്ന കെ.എസ്.ആര്‍.ടി.സി എതിര്‍ദിശയില്‍ വന്ന കാറുമായി കൂട്ടിയിടിക്കുകയായിരുന്നു. ഇരുവാഹനങ്ങളും അമിതവേഗത്തിലായിരുന്നുവെന്ന് ദൃക്‌സാക്ഷികള്‍ പറഞ്ഞു.