റിയാദ്: സഊദിയിൽ പെട്രോൾ വില വർധിപ്പിച്ചു. ദേശീയ എണ്ണ കമ്പനിയായ സഊദി അരാംകോയാണ് വില വർധനവ് പ്രഖ്യാപിച്ചത്. ഇതോടെ പെട്രോൾ വില രണ്ട് റിയാൽ കടന്നു.

91 ഇനം പെട്രോളിന് 2.08 റിയാലും 95 ഇനം പെട്രോളിന് 2.23 റിയാലുമാണ് പുതുക്കിയ നിരക്ക്. നേരത്തെയിത് 91ന് 1.99 റിയാലും 95ന് 2.13 റിയാലുമായിരുന്നു.

അന്താരാഷ്ട്ര വിലക്കനുസരിച്ച് എല്ലാ മാസവും പത്താം തിയ്യതിയാണ് സഊദിയിൽ എണ്ണവിലയിൽ മാറ്റം വരുത്തുന്നത്. ജൂൺ പത്തിനായിരിക്കും ഇനി അടുത്ത വില പുനർനിർണയം.