റിയാദ്: സഊദി സന്ദർശിക്കുന്ന എസ് കെ എസ് എസ് എഫ് കോഴിക്കോട് ജില്ലാ പ്രസിഡന്റ്‌ സയ്യിദ് മുബഷിർ തങ്ങൾ ജമലുല്ലൈലി, എസ് വൈ എസ് സ്റ്റേറ്റ് കമ്മിറ്റി അംഗം അബ്ദുറഹ്മാൻ കല്ലായി എന്നിവർക്ക് സമസ്ത ഇസ്‌ലാമിക് സെന്റർ റിയാദ് സെൻട്രൽ കമ്മിറ്റി സ്വീകരണം നൽകി. എസ് ഐ സി സെൻട്രൽ കമ്മിറ്റി ആക്ടിങ് പ്രസിഡന്റ്‌ ഷാഫി ദാരിമി ദീബാജിന്റെ അദ്ധ്യക്ഷതയിൽ നടന്ന പരിപാടി എസ് ഐ സി നാഷണൽ കമ്മിറ്റി ഓർഗാനൈസിങ് സെക്രട്ടറി സൈതലവി ഫൈസി പനങ്ങാങ്ങര ഉദ്ഘാടനം ചെയ്തു.

സയ്യിദ് മുബഷിർ തങ്ങൾ ജമലുല്ലൈലിയും അബ്ദുറഹ്മാൻ കല്ലായിയും മറുപടി പ്രസംഗം നടത്തുകയും ഇരുവർക്കും ഉപഹാരം സമർപ്പിക്കുകയും ചെയ്തു. ബഷീർ ഫൈസി ചുങ്കത്തറ പ്രാർത്ഥനക്ക് നേതൃത്വം നൽകി. അബൂബക്കർ ഫൈസി വെള്ളില, മുനീർ ഫൈസി, കബീർ വൈലത്തൂർ, കുഞ്ഞിപ്പ തവനൂർ, അബ്ദുറഹ്മാൻ ഫറോഖ്, സമീർ പുത്തൂർ, സമദ് പേരുമുഖം, മൻസൂർ വാഴക്കാട് തുടങ്ങിയവർ സംബന്ധിച്ചു. സലീം വാഫി മൂത്തേടം സ്വാഗതവും അബ്ദുറഹ്മാൻ ഹുദവി പട്ടാമ്പി നന്ദിയും പറഞ്ഞു.