മാഡ്രിഡ്: ലാലിഗ കിരീടം റയല്‍ മാഡ്രിഡിന്. ഇന്നലെ എസ്പാനിയോളിനെ പരാജയപ്പെടുത്തിയതോടെയാണ് റയല്‍ കിരീടം സ്വന്തമാക്കിയത്. മത്സരത്തില്‍ എതിരില്ലാത്ത നാലു ഗോളിനായിരുന്നു റയലിന്റെ വിജയം. 33, 43 മിനുട്ടുകളില്‍ റോഡ്രിഗോയുടെ ഇരട്ട ഗോളുകളാണ് റയലിന്റെ ജയത്തില്‍ നിര്‍ണായകമായത്. 55ാം മിനുട്ടില്‍ മാര്‍ക്കോ അസെന്‍സിയോയും റയല്‍ മാഡ്രിഡിനായി ഗോള്‍ സ്വന്തമാക്കി. 81ാം മിനുട്ടില്‍ കരീം ബെന്‍സേമയിലൂടെയാണ് റയല്‍ ഗോള്‍ പട്ടിക പൂര്‍ത്തിയാക്കിയത്. 34 മത്സരത്തില്‍ നിന്ന് 81 പോയിന്റാണ് റയല്‍ മാഡ്രിഡ് സ്വന്തമാക്കിയത്. രണ്ടാം സ്ഥാനത്തുള്ള സെവിയ്യക്ക് 64 പോയിന്റാണുള്ളത്. ഇനിയുള്ള എല്ലാ മത്സരങ്ങളിലും ജയിച്ചാലും സെവിയ്യക്ക് റയല്‍ മാഡ്രിഡിനെ മറിടകടക്കാന്‍ കഴിയില്ല.
ഇതിനെ തുടര്‍ന്നായിരുന്നു റയല്‍ ലാലിഗ കിരീടം സ്വന്തമാക്കിയത്. ലീഗില്‍ റയല്‍ മാഡ്രിഡിന് ഇനിയും നാലു മത്സരങ്ങള്‍ ബാക്കിയുണ്ട്. റയല്‍ മാഡ്രിഡിന്റെ 35ാം ലാലിഗ കിരീട നേട്ടമായിരുന്നു ഇന്നലത്തേത്.