കണ്ണൂര്‍: ബൈക്ക് നിയന്ത്രണംവിട്ട് വൈദ്യുതിത്തൂണിലിടിച്ച് രണ്ടു യുവാക്കള്‍ക്ക് ദാരുണാന്ത്യം. തളിപ്പറമ്പ് കോള്‍മൊട്ടയിലെ ഹിഷാം(18), ജിയാദ് (19) എന്നിവരാണ് മരിച്ചത്. ചൊവ്വാഴ്ച വൈകീട്ട് നാലരയോടെ കോള്‍മൊട്ടയില്‍ ബാവുപ്പറമ്പ് റോഡിലായിരുന്നു അപകടം. ബംഗളൂരുവില്‍ ഐ.ടി വിദ്യാര്‍ഥിയായിരുന്നു ജിയാദ്.

ഹിഷാം കോള്‍മൊട്ടയില്‍ സ്റ്റീല്‍ കമ്പനിക്ക് സമീപം കോഴിക്കട നടത്തുകയാണ്. സൗദി അറേബ്യയില്‍ ജോലിചെയ്യുന്ന ജബാറിന്റെയും റഷീദയുടേയും മകനാണ് ജിയാദ്. സഹോദരങ്ങള്‍: ജദീര്‍(മെഡിക്കല്‍ വിദ്യാര്‍ഥി), ജാസിം, റിസ്‌വാന്‍, ജാസിയ.
അബൂദബിയില്‍ ജോലിചെയ്യുന്ന ഹസന്റെയും ഷഹനാസിന്റെയും മകനാണ് ഹിഷാം. സഹോദരങ്ങള്‍: ഷഹ്മ, ഹാനിയ.