തിരുവനന്തപുരം: മുഖ്യമന്ത്രിക്കെതിരേ തൃശൂരില്‍ കേന്ദ്ര ആഭ്യന്തര അമിത്ഷാ നടത്തിയ വാചകക്കസര്‍ത്ത് വ്യാജ ഏറ്റുമുട്ടലാണെന്ന് എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ എം.പി. സി.പി.എമ്മുമായി ബി.ജെ.പി ഉണ്ടാക്കിയ രഹസ്യധാരണയെ മറയ്ക്കാനാണ് സി.പി.എമ്മിനെ അക്രമിക്കുന്നുവെന്ന പ്രതീതി സൃഷ്ടിക്കുന്ന പ്രസംഗം അമിത്ഷാ നടത്തിയത്.

കേരളത്തില്‍ ബി.ജെ.പിയുടെ വളര്‍ച്ചയ്ക്ക് സഹായം നല്‍കുന്ന ഉറ്റചങ്ങാതിമാരാണ് സി.പി.എമ്മുകാര്‍. കോണ്‍ഗ്രസ് വിരുദ്ധതയില്‍ ഒരുമിച്ച് സഞ്ചരിക്കുന്നവരാണ് ബി.ജെ.പിയും സി.പി.എമ്മും. രണ്ടുപേരുടെയും ലക്ഷ്യം കോണ്‍ഗ്രസിന്റെ തകര്‍ച്ചയാണെന്നും വേണുഗോപാല്‍ പറഞ്ഞു.