കൊല്ലം: വിദേശത്ത് ജോലി വാഗ്ദാനം ചെയ്ത് വീട്ടമ്മയെ മൂന്നുനാള്‍ വീടിനുള്ളില്‍ പൂട്ടിയിട്ട് പീഡിപ്പിച്ച സംഭവത്തില്‍ വധശ്രമക്കേസിലെ പ്രതി അറസ്റ്റില്‍. ചടയമംഗലം മേയില്‍ സ്വദേശി അജിയാണ് അറസ്റ്റിലായത്. ഗുരുതരമായി പരുക്കേറ്റ വീട്ടമ്മ തിരുവനന്തപുരം മെഡിക്കല്‍ കോളജാശുപത്രിയില്‍ ചികില്‍സയിലാണ്. തീവ്രപരിചരണ വിഭാഗത്തില്‍ ഇവരുടെ നില ഗുരുതരമായി തുടരുകയാണ്.

കൊല്ലം ചടയമംഗലത്താണ് വിവാഹിതയും ഒരു കുട്ടിയുടെ അമ്മയുമായ കൊട്ടാരക്കര സ്വദേശിനിയായ യുവതി പീഡനത്തിനിരയായത്. രക്ഷപ്പെടാന്‍ ശ്രമിച്ച യുവതിയുടെ തലയില്‍ ഇയാള്‍ ചുറ്റിക കൊണ്ട് അടിച്ച് പരുക്കേല്‍പ്പിക്കുകയും ചെയ്തു. സംഭവത്തില്‍
വിസയുടെ കാര്യം സംസാരിക്കാനെന്നു പറഞ്ഞാണ് അജി ഈ മാസം ഒമ്പതിന് വീട്ടമ്മയെ വീട്ടിലേക്ക് വിളിച്ചു വരുത്തിയത്. തുടര്‍ന്ന് മൂന്നു ദിവസം വീടിനുളളില്‍ പൂട്ടിയിട്ട് പീഡിപ്പിക്കുകയുമായിരുന്നു.

വീട്ടമ്മയുടെ തലയില്‍ പ്രതി ചുറ്റിക കൊണ്ടടിച്ചതിനിടെ തുടര്‍ന്ന് ഇവരുടെ നിലവിളി കേട്ട് എത്തിയ നാട്ടുകാരാണ് യുവതിയെ ആശുപത്രിയിലെത്തിച്ച് പൊലിസില്‍ വിവരമറിയിച്ചത്. തുടര്‍ന്ന് ഇയാളെ പൊലീസ് അജിയെ അറസ്റ്റ് ചെയ്തു. ഭാര്യ ഉപേക്ഷിച്ചു പോയതിനെ തുടര്‍ന്ന് അജി ഏറെ നാളായി വീട്ടില്‍ ഒറ്റയ്ക്ക് താമസിക്കുകയായിരുന്നു. വധശ്രമക്കേസിലടക്കം പ്രതിയാണ് പിടിയിലായ അജി.