പാലക്കാട്: പട്ടാമ്പിയില്‍ റോഡരികില്‍ യുവതിയുടെ മൃതദേഹം കത്തിക്കരിഞ്ഞ നിലയില്‍ കണ്ടെത്തിയ സംഭവം കൊലപാതകമെന്ന് സ്ഥിരീകരിച്ച് പോലിസ്. കാങ്ങാട്ടുപടി സ്വദേശി പ്രിവിയ(30) ആണ് മരിച്ചത്. പാലക്കാട് പട്ടാമ്പി കൊടുമുണ്ടയ്ക്ക് സമീപമാണ് ജഡം കണ്ടെത്തിയത്. ഈ മാസം 29ന് പ്രിവിയയുടെ വിവാഹം നിശ്ചയിച്ചിരുന്നു. യുവതിയെ കേന്ദ്രീകരിച്ചു നടത്തിയ അന്വേഷണത്തിലാണ് കൊലപാതകം നടത്തിയ യുവാവിനെ കണ്ടെത്തിയത്. തൃത്താല ആലൂര്‍സ്വദേശി സന്തോഷാണ് യുവതിയെ ആക്രമിച്ചത്. ശേഷം ഇയാള്‍ ആത്മഹത്യക്ക് ശ്രമിച്ചിരുന്നു. എടപ്പാളിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് പ്രതിയുടെ മരണം. ഇവര്‍രണ്ടുപേരും നാട്ടുകാരാണ്.