കൊച്ചി: ഇസ്‌റാഈലില്‍ റോക്കറ്റാക്രമണത്തില്‍ കൊല്ലപ്പെട്ട ഇടുക്കി കീരിത്തോട് കാഞ്ഞിരത്താനം സ്വദേശിനി സൗമ്യ സന്തോഷിന്റെ മൃതദേഹം കൊച്ചിയിലെത്തിച്ചു. എയര്‍ ഇന്ത്യ വിമാനത്തില്‍ നെടുമ്പാശ്ശേരി വിമാനത്താവളത്തില്‍ എത്തിച്ച മൃതദേഹം ഇടുക്കി എംപി ഡീന്‍ കുര്യാക്കോസും ബന്ധുക്കളും ചേര്‍ന്ന് ഏറ്റുവാങ്ങി.

മൃതദേഹം ഇടുക്കിയിലേക്ക് കൊണ്ടുപോയി. അവിടെയായിരിക്കും കൊറോണ മനദണ്ഡങ്ങള്‍ പാലിച്ച് സംസ്‌കാരം നടത്തുന്നത്. ഇന്ന് പുലര്‍ച്ചെയോടെ ഡല്‍ഹിയിലെത്തിച്ച സൗമ്യ സന്തോഷിന്റെ മൃതദേഹം വിദേശകാര്യവകുപ്പ് സഹമന്ത്രി വി.മുരളീധനരനും ഇസ്‌റാഈല്‍ ഡെപ്യൂട്ടി അംബാസഡര്‍ റോണി യദീദയും ചേര്‍ന്ന് ഏറ്റുവാങ്ങുകയായിരുന്നു. പിന്നീട് ഉച്ചയ്ക്ക് ശേഷമുള്ള എയര്‍ ഇന്ത്യാ വിമാനത്തിലാണ് മൃതദേഹം കേരളത്തില്‍ എത്തിച്ചത്.