കൊച്ചി
സി.പി.എമ്മിലെ രണ്ടുവിഭാഗങ്ങൾ തമ്മിൽ തൃക്കാക്കരയിലെ സ്ഥാനാർഥി നിർണയത്തെച്ചൊല്ലി തമ്മിലടിയാണെന്ന് പ്രതിപക്ഷ നേതാവ് വി.ഡി സതീശൻ.
യു.ഡി.എഫ് സ്ഥാനാർഥിയെ തെരഞ്ഞെടുപ്പ് പ്രഖ്യാപനം വന്ന് 24 മണിക്കൂറിനകം തീരുമാനിച്ചു. സി.പി.എം സ്ഥാനാർഥിയെ പ്രഖ്യാപിച്ചെന്നും പിന്നീട് ഇല്ലെന്നും പറയുകയും ചുവരിലെഴുതുകയും അത് മായ്ക്കുകയും ചെയ്ത സംഭവങ്ങൾ വരെയുണ്ടായി. എറണാകുളം ജില്ലയിലെ സി.പി.എമ്മിലെ വിഭാഗീയത മൂലമാണിത്. എന്നാൽ ഇക്കാര്യം റിപ്പോർട്ട് ചെയ്യാൻ ഒരു മാധ്യമം പോലും തയാറായില്ല. കോൺഗ്രസിലായിരുന്നെങ്കിൽ ഒരു മണിക്കൂർ വൈകിയാൽ, കോൺഗ്രസിൽ പൊട്ടിത്തെറി, കലാപം തുടങ്ങിയ വാക്കുകൾ ഉപയോഗിച്ച് അപകീർത്തിപ്പെടുത്താൻ മാധ്യമങ്ങൾ ശ്രമിക്കുമായിരുന്നെന്നും അദ്ദേഹം വാർത്താസമ്മേളനത്തിൽ പറഞ്ഞു.
തോപ്പുംപടിയിലെ വീട്ടിലിരുന്ന് കെ.വി തോമസ് പറയുന്നതിനൊക്കെ മറുപടി ചോദിച്ച് മാധ്യമപ്രവർത്തകർ വരേണ്ടെന്നും അദ്ദേഹം പറഞ്ഞു.