ഐപിഎല്ലില്‍ ഇന്ന് എല്‍ക്ലാസിക്കോ പോരാട്ടം. ഇന്ന് എല്‍ക്ലാസിക്കോ പോരാട്ടം.രാത്രി 7.30 ന് മുംബൈ വാങ്കഡെ സ്റ്റേഡിയത്തില്‍ നടക്കുന്ന മത്സരത്തില്‍ മുംബൈചെന്നൈയ്ക്കെതിരെ കൊമ്പുകോര്‍ക്കും.ഇരു ടീമുകളുടെയും സീസണിലെ ആറാം മത്സരമാണിത്. അവസാന മത്സരത്തില്‍ ചെന്നൈ  കൊല്‍ക്കത്തയെ ഏഴ് വിക്കറ്റിന് പരാജയപ്പെടുത്തിയിരുന്നു. സീസണില്‍ അഞ്ച് മത്സരങ്ങളില്‍ നിന്ന് മൂന്ന് വിജയങ്ങളാണ് ചെന്നൈക്കുള്ളത്. അഞ്ച് മത്സരങ്ങളില്‍ നിന്ന് രണ്ട് വിജയങ്ങളാണ് മുംബൈയുടെ അക്കൗണ്ടില്‍. അവസാന മത്സരത്തില്‍ ബെംഗളുരുവിനെ ഏഴ് വിക്കറ്റിനാണ് അവര്‍ തകര്‍ത്തത്.

ഐപിഎല്‍ ചരിത്രത്തില്‍ ഇതുവരെ 36 മത്സരങ്ങളിലാണ് മുംബൈയും ചെന്നൈയും ഏറ്റുമുട്ടിയത്. ഇതില്‍ 16 കളികളില്‍ ചെന്നൈ ജയിച്ചപ്പോള്‍ മുംബൈ 20 തവണ വിജയം കണ്ടു. വാങ്കഡെയില്‍ ചെന്നൈയ്ക്കെതിരെ കളിച്ച 11 കളികളില്‍ ഏഴിലും മുംബൈയാണ് ജയിച്ചത്. വാങ്കഡെയില്‍ കഴിഞ്ഞ 10 ടി20 മത്സരങ്ങളിലെ ശരാശരി ഒന്നാം ഇന്നിംഗ്സ് സ്‌കോര്‍ 154 റണ്‍സാണ്. ആദ്യം ബാറ്റ് ചെയ്ത ടീമുകള്‍ക്ക് ഇതില്‍ മൂന്നെണ്ണം മാത്രമാണ് ജയിക്കാനായത്. അതുകൊണ്ട് തന്നെ ടോസ് നേടിയ ടീം ഇന്ന് ചേസ് ചെയ്യാന്‍ തീരുമാനിച്ചേക്കും.

ചെന്നൈ ടീം:
റുതുരാജ് ഗെയ്ക്വാദ് (ക്യാപ്റ്റന്‍), എംഎസ് ധോണി,രവീന്ദ്ര ജഡേജ,,അജിങ്ക്യ രഹാനെ,ദീപക് ചാഹര്‍,ഡെവോണ്‍ കോണ്‍വേ,മൊയിന്‍ അലി,ശിവം ദുബെ,മഹേഷ് തീക്ഷണ,മിച്ചല്‍ സാന്റ്‌നര്‍,മതീശ പതിരണ,തുഷാര്‍ ദേശ്പാണ്ഡെ,രാജ്വര്‍ധന്‍ ഹംഗാര്‍ഗേക്കര്‍,മുകേഷ് ചൗധരി,സിമര്‍ജീത് സിംഗ്,ശൈഖ് റഷീദ്,നിശാന്ത് സിന്ധു,പ്രശാന്ത് സോളങ്കി,അജയ് മണ്ഡല്,രചിന്‍ രവീന്ദ്ര,ശാര്‍ദുല്‍ താക്കൂര്‍,ഡാരില്‍ മിച്ചല്‍,സമീര്‍ റിസ്വി,അവനീഷ് റാവു ആരവേലി,മുസ്തഫിസുര്‍ റഹ്‌മാന്‍

മുംബൈ ടീം:
ഹാര്‍ദിക് പാണ്ഡ്യ(ക്യാപ്റ്റന്‍),രോഹിത് ശര്‍മ്മ,ഡെവാള്‍ഡ് ബ്രെവിസ്,സൂര്യകുമാര്‍ യാദവ്,ഇഷാന്‍ കിഷന്‍,തിലക് വര്‍മ്മ,ടിം ഡേവിഡ്,വിഷ്ണു വിനോദ്,അര്‍ജുന്‍ ടെണ്ടുല്‍ക്കര്‍,ഷംസ് മുലാനി,നെഹാല്‍ വധേര,ജസ്പ്രീത് ബുംറ,കുമാര്‍ കാര്‍ത്തികേയ,പിയൂഷ് ചൗള,ആകാശ് മധ്വാള്‍,ജേസണ്‍ ബെഹ്‌റന്‍ഡോര്‍ഫ്,റൊമാരിയോ ഷെപ്പേര്‍ഡ്,ജെറാള്‍ഡ് കോറ്റ്‌സി,ദില്‍ഷന്‍ മധുശങ്ക,ശ്രേയസ് ഗോപാല്‍,നുവാന്‍ തുഷാര,നമന്ദിര്‍ സിംഗ്,അന്‍ഷുല്‍ കാംബോജ്,മുഹമ്മദ് നബി,ശിവാലിക് ശര്‍മ്മ