ഇന്‍ഡോര്‍: മധ്യപ്രദേശിലെ ഇന്‍ഡോറില്‍ ഇരുനിലക്കെട്ടിടത്തിന് തീപിടിച്ച് ഏഴ് മരണം. ശനിയാഴ്ച പുലര്‍ച്ചെയാണ് തീപിടിത്തം ഉണ്ടായത്. ഒന്‍പത് പേരെ രക്ഷപ്പെടുത്തി. ഇതില്‍ അഞ്ച് പേരെ ആശുപത്രിയില്‍ പ്രവേശിപ്പിച്ചതായി പൊലിസ് പറഞ്ഞു.

പുലര്‍ച്ചെ നാലിനും അഞ്ചിനും ഇടയിലാണ് വിജയനഗറിലെ കെട്ടിടത്തില്‍ തീപിടിത്തമുണ്ടായത്. മൂന്ന് മണിക്കൂറോളം എടുത്താണ് തീയണച്ചത്. കെട്ടിടത്തിന്റെ പാര്‍ക്കിങ് എരിയയില്‍ ഉണ്ടായിരുന്ന വാഹനങ്ങളും കത്തിനശിച്ചു.

ബേസ്‌മെന്റിലെ പ്രധാന വൈദ്യുത വിതരണ സംവിധാനത്തിലുണ്ടായ ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. അന്വേഷണം പുരോഗമിക്കുകയാണെന്ന് പൊലിസ് അറിയിച്ചു.