ന്യൂഡൽഹി
നേപ്പാളിൽ കോൺഗ്രസ് നേതാവ് രാഹുൽ ഗാന്ധി പങ്കെടുത്തത് വിവാഹ ചടങ്ങിലാണെന്ന് തെളിയിക്കുന്ന വിഡിയോ പുറത്ത്. നേരത്തെ രാഹുൽ നിശാപാർട്ടിയിൽ പങ്കെടുത്തുവെന്ന ആരോപണത്തെ തുടർന്ന് കോൺഗ്രസ് നേതാവ് മണിക്കം ടാഗോർ ആണ് പുതിയ വിഡിയോ പുറത്തുവിട്ടത്.
പ്രിയപ്പെട്ട സംഘികളുടെ ശ്രദ്ധയ്ക്ക്, കള്ളം ദീർഘകാലം വാഴില്ല, സത്യം ജയിക്കും എന്ന കാപ്ഷനിലാണ് വിഡിയോ പുറത്തുവിട്ടത്. വധൂവരന്മാർക്കൊപ്പവും അതിഥികൾക്കൊപ്പവും രാഹുൽ ഗാന്ധി ഇരിക്കുന്നതാണ് പുതിയ ദൃശ്യങ്ങളിലുള്ളത്. നേരത്തെ രാഹുൽ നേപ്പാൾ തലസ്ഥാനമായ കാഠ്മണ്ഡുവിലെ നൈറ്റ് ക്ലബിൽ എന്ന പേരിൽ ബി.ജെ.പി സമൂഹ മാധ്യമങ്ങളിൽ രാഹുലിന്റെ വിഡിയോ പ്രചരിപ്പിച്ചിരുന്നു.

വിവാഹത്തിൽ പങ്കെടുക്കാനാണ് നേപ്പാളിലേക്ക് രാഹുൽ പോയതെന്ന് നേരത്തെ കോൺഗ്രസ് വിശദീകരിച്ചിരുന്നു.