ബിരുദാനന്തര ബിരുദത്തനുളള ദേശീയ പൊതു പ്രവേശന പരീക്ഷയായ സി.യു.ഇ.ടി പിജി 2024ന്റെ അന്തിമ ഉത്തര സൂചിക ദേശീയ ടെസ്റ്റിങ് ഏജന്‍സി പ്രസിദ്ധീകരിച്ചു. മാര്‍ച്ച് 11 മുതല്‍ 28 വരെ നടന്ന പരീക്ഷയുടെ ഉത്തര സൂചിക pgcuet.samarth.ac.in എന്ന സൈറ്റില്‍ ലഭ്യമാണ്. 

നേരത്തെ താല്‍ക്കാലിക ഉത്തര സൂചിക പ്രസിദ്ധീകരിച്ചിരുന്നു. പരീക്ഷയുടെ ഫലം ഈയാഴ്ച്ച തന്നെ പ്രസിദ്ധീകരിക്കുമെന്നാണ് അറിയുന്നത്. 4.6 ലക്ഷം വിദ്യാര്‍ഥികളാണ് ഇത്തവണ സി.യു.ഇ.ടി പിജി രജിസ്റ്റര്‍ ചെയ്തത്.

 കണ്ണൂർ യൂണിവേഴ്സിറ്റിയിൽ പി.ജി എൽ.എൽ.ബി

കണ്ണൂര്‍ സര്‍വകലാശായുടെ വിവിധ പഠനവകുപ്പുകളിലും സെന്ററുകളിലും പിജി പ്രോഗ്രാമുകളിലേക്കും മഞ്ചേശ്വരം കാമ്പസിലെ ത്രിവല്‍സര എല്‍.എല്‍.ബി പ്രോഗ്രാമിനുമുള്ള പ്രവേശനത്തിന് അപേക്ഷ ക്ഷണിച്ചു. 28ഓളം പഠനവകുപ്പുകളിലായി പുതുതലമുറ കോഴ്‌സുകള്‍ ഉള്‍പ്പെടെ 40ലധികം പ്രോഗ്രാമുകളിലേക്കാണ് പ്രവേശനം. ഏപ്രില്‍ 30 വരെ ഓണ്‍ലൈന്‍ അപേക്ഷ നല്‍കാം. 

മുന്‍ സെമസ്റ്റര്‍/ വര്‍ഷ പരീക്ഷകളെല്ലാം വിജയിച്ചവരും അവസാന സെമസ്റ്റര്‍/ വര്‍ഷ പബിരുദ പരീക്ഷ ഫലം കാത്തിരിക്കുന്നവര്‍ക്കും അപേക്ഷിക്കാം. 

അപേക്ഷകര്‍ കണ്ണൂര്‍ യൂണിവേഴ്‌സിറ്റിയുടെ വെബ്‌സൈറ്റില്‍ (www.admission.kannuruniversity.ac.in ) വഴി ഓണ്‍ലൈന്‍ രജിസ്റ്റര്‍ ചെയ്യണം. 

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക