കോഴിക്കോട്
രാജ്യസഭാ എം.പി എ.എ റഹിമിന് ഗവേഷണത്തിനു നൽകിയ 3.44 ലക്ഷം രൂപ തിരിച്ചുപിടിക്കാൻ സാങ്കേതിക തടസമെന്ന് ഉന്നത വിദ്യാഭ്യാസ മന്ത്രി ആർ.ബിന്ദു. എം.പി പ്രബന്ധം സമർപ്പിക്കാതെ ഫെലോഷിപ്പ് കൈപ്പറ്റിയതായി രജിസ്ട്രാറുടെ അന്വേഷണത്തിൽ കണ്ടെത്തിയിട്ടുണ്ടെന്നും തുക തിരിച്ചു പിടിക്കാൻ സാങ്കേതികമായി തടസമുണ്ടെന്നുമാണ് മന്ത്രി നൽകുന്ന വിശദീകരണം.
മൂന്നരവർഷം ഗവേഷണം നടത്തുന്നതിനായി ഫെലോഷിപ്പ് നൽകിയിട്ടുണ്ടെന്നും ഈ തുക തിരിച്ചുപിടിക്കാനുള്ള സാഹചര്യം നിലവിലില്ലെന്നുമാണ് മന്ത്രിയുടെ ഓഫിസ് നൽകുന്ന മറുപടി. പ്രബന്ധം സമർപ്പിച്ചിട്ടുണ്ടോ എന്ന കാര്യത്തിൽ വ്യക്തമായ മറുപടി നൽകാനും തയാറായിട്ടില്ല.ഹാജരില്ലാത്ത ഗവേഷണ വിദ്യാർഥിക്ക് നിയമവിരുദ്ധമായി ഫെല്ലോഷിപ്പ് ലഭ്യമാക്കിയെന്നും ഫെല്ലോഷിപ്പ് കൈപ്പറ്റിയിട്ട് ഗവേഷണം നടത്തിയിട്ടില്ലെന്നും കേരള സർവകലാശാല രജിസ്ട്രാർ നടത്തിയ അന്വേഷണത്തിൽ കണ്ടെത്തിയിരുന്നു. 3,44,744 രൂപയാണ് ഗവേഷണത്തിന്റെ പേരിൽ സർവകലാശാലയിൽനിന്ന് എം.പി കൈപ്പറ്റിയത്. 2017ൽ ഗവേഷണം അവസാനിപ്പിച്ചിട്ടും പ്രബന്ധം സമർപ്പിച്ചിട്ടില്ലെന്ന് വിവരാവകാശ രേഖകൾ വ്യക്തമാക്കുന്നുണ്ട്.