അങ്കാറ: ഫലസ്തീനില്‍ ഇസ്‌റാഈല്‍ നടത്തുന്ന ആക്രമണങ്ങളുടെ പശ്ചാത്തലത്തില്‍ തുര്‍ക്കി പ്രസിഡന്റ് റജബ് തയ്യിബ് ഉര്‍ദുഗാനും ഫ്രാന്‍സിസ് മാര്‍പ്പാപ്പയും ഫോണില്‍ ചര്‍ച്ച നടത്തി.

തുര്‍ക്കിഷ് കമ്മ്യൂണിക്കേഷന്‍സ് ഡയരക്ടറേറ്റാണ് ഇക്കാര്യം പുറത്തുവിട്ടത്. ഗസ്സയില്‍ ഇസ്‌റാഈല്‍ നടത്തുന്ന ആക്രമണം ഫലസ്തീന്‍കാര്‍ക്കുമേല്‍ മാത്രമല്ല എല്ലാ മുസ്‌ലിംകള്‍ക്കും ക്രൈവസ്തവര്‍ക്കും മാനവികതയ്ക്കും എതിരേ നടത്തുന്ന ആക്രമണമാണെന്ന് ഉര്‍ദുഗാന്‍ പറഞ്ഞു.
ഇസ്‌റാഈലിന്റെ ആക്രമണത്തിനെതിരേ എല്ലാ മനുഷ്യസ്‌നേഹികളും ഒന്നിക്കണമെന്ന് അദ്ദേഹം വ്യക്തമാക്കി. അന്താരാഷ്ട്ര സമൂഹത്തിന്റെ സമ്മര്‍ദ്ദം ഇല്ലെങ്കില്‍ ഇസ്‌റാഈല്‍ കൂട്ടക്കൊല അവസാനിപ്പിക്കില്ല. അന്താരാഷ്ട്രതലത്തില്‍ വിവിധ രാജ്യങ്ങളോടും ക്രൈസ്തവ സമൂഹത്തോടും ഫലസ്തീന്‍ ജനതയ്ക്ക് വേണ്ടി ഇടപെടാന്‍ അഭ്യര്‍ഥിക്കണമെന്നും അദ്ദേഹം മാര്‍പാപ്പയെ ധരിപ്പിച്ചു.