കൊളംബോ: ശ്രീലങ്കന്‍ പ്രസിഡന്റ് ഗൊതബായ രാജപക്‌സെ അനുകൂലികളും പ്രതിഷേധക്കാരും തമ്മിലുണ്ടായ ഏറ്റുമുട്ടലില്‍ 20 പേര്‍ക്ക് പരിക്ക്. പ്രസിഡന്റിന്റെ രാജി ആവശ്യപ്പെട്ട് കാര്യാലയത്തിന് മുന്നില്‍ പ്രതിഷേധപ്രകടനം നടത്തിയവര്‍ക്ക് നേരെ ആയുധങ്ങളുമായി രജപക്‌സെ അനുകൂലികള്‍ രംഗത്തെത്തുകയായിരുന്നു. സംഘര്‍ഷം രൂക്ഷമായതോടെ പൊലിസ് ജലപീരങ്കിയും കണ്ണീര്‍ വാതകവും പ്രയോഗിച്ചു.

സംഘര്‍ഷത്തെ തുടര്‍ന്ന് തലസ്ഥാനത്ത് അനിശ്ചിതകാല കര്‍ഫ്യൂ പ്രഖ്യാപിച്ചു. അക്രമം വലിയ അക്രമങ്ങള്‍ക്ക് വഴിവെക്കുകയാണ് ചെയ്യുകയെന്ന് പ്രധാനമന്ത്രി മഹേന്ദ രാജപക്‌സെ പ്രതികരിച്ചു. സാമ്പത്തിക പ്രതിസന്ധി പരിഹരിക്കുന്നതിനുള്ള മാര്‍ഗങ്ങള്‍ നടപ്പിലാക്കി വരികയാണെന്നും അദ്ദേഹം കൂട്ടിച്ചേര്‍ത്തു.