മ​സ്ക​ത്ത്​: റ​മ​ദാ​ൻ മു​ന്നൊ​രു​ക്ക​ത്തി​ന്‍റെ ഭാ​ഗ​മാ​യി ഒമാനിലെ വാ​ണി​ജ്യ സ്ഥാ​പ​ന​ങ്ങ​ളി​ൽ പ​രി​ശോ​ധ​ന ക​ർ​ശ​ന​മാ​ക്കി അ​ധി​കൃ​ത​ർ. ചില വ്യാപാര സ്ഥാ​പ​ന​ങ്ങ​ൾ റമദാൻ സീ​സ​ൺ മു​ന്നി​ൽ​ക​ണ്ട്​ സാ​ധ​ന​ങ്ങ​ൾ പൂ​ഴ്ത്തി​വെ​ച്ച്​ കൃ​ത്രി​മ വി​ല​ക്ക​യ​റ്റം സൃ​ഷ്ടി​ക്കാ​നു​ള്ള ശ്ര​മം ന​ട​ത്താ​റു​ണ്ട്. ഇതിന്റെ പശ്ചാത്തലത്തിലാണ് പ​രി​ശോ​ധ​ന നടത്തുന്നത്. ഉ​പ​ഭോ​ക്തൃ സം​ര​ക്ഷ​ണ അ​തോ​റി​റ്റി അ​തി​ന്റെ വി​വി​ധ വ​കു​പ്പു​ക​ളു​മാ​യി ചേർന്നാണ് ഗ​വ​ർ​ണ​​റേ​റ്റു​ക​ളി​ൽ പ​രി​ശോ​ധ​ന ന​ട​ത്തു​ന്നത്.

അ​വ​ശ്യ​വ​സ്തു​ക്ക​ളു​ടെ ല​ഭ്യ​ത ഉ​റ​പ്പ്​ വ​രു​ത്തു​ക, ഉ​പ​ഭോ​ക്തൃ സം​ര​ക്ഷ​ണ നി​യ​മം പാ​ലി​ക്കു​ന്നു​ണ്ടോ എ​ന്ന് ഉ​റ​പ്പ്​ വ​രു​ത്തു​ക​ എന്നിവയും പരിശോധനയുടെ ലക്ഷ്യമാണ്. ദി​വ​സ​ങ്ങ​ൾ​ക്കു​മു​മ്പ്​ തെ​ക്ക​ൻ ബാ​ത്തി​ന​യി​ലെ റു​സ്താ​ഖ്​ വി​ലാ​യ​ത്തി​ലെ വാ​ണി​ജ്യ സ്ഥാ​പ​ന​ങ്ങ​ളി​ൽ ഉ​പ​ഭോ​ക്തൃ സം​ര​ക്ഷ​ണ അ​തോ​റി​റ്റി​യു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തി​യി​രു​ന്നു.

അ​തേ​സ​മ​യം, റ​മ​ദാ​ൻ പ​ടി​വാ​തി​ൽ​ക്ക​ൽ എ​ത്തി​യ​തോ​ടെ രാ​ജ്യ​ത്തെ ഷോ​പ്പി​ങ്​ മാ​ളു​ക​ളി​ലും മ​റ്റും തി​ര​ക്കേ​റി. അ​വ​ശ്യ​വ​സ്തു​ക്ക​ൾ വാ​ങ്ങാ​നാ​യി​ പ്രവാസികളും സ്വദേശികളുമുൾപ്പെടെ നിരവധി പേരാണ് എത്തുന്നത്. മിക്ക മാളുകളിലും ഷോപ്പിംഗ് സെന്ററുകളിലും നിരവധി ഓഫറുകളും പ്രഖ്യാപിച്ചിട്ടുണ്ട്.