ആലപ്പുഴ: മാന്നാറില്‍ വസ്ത്രവ്യാപാരശാലയില്‍ വന്‍ തീപിടിത്തം. ഫയര്‍ഫോഴ്‌സ് എത്തി തീയണക്കാനുള്ള ശ്രമം തുടരുകയാണ്. രാവിലെ ആറുമണിയോടെയാണ് തീപിടിത്തമുണ്ടായത്. കടയുടെ പിന്‍ഭാഗത്ത് നിന്നാണ് തീപടര്‍ന്നത്. ഇതണയ്ക്കാനുള്ള ശ്രമങ്ങള്‍ക്കിടെ കെട്ടിടത്തിന്റെ മൂന്ന് നിലകളിലേക്കും തീപടരുകയായിരുന്നു.

അഞ്ച് യൂണിറ്റ് ഫയര്‍ഫോഴ്‌സാണ് സ്ഥലത്തെത്തിയത്. സമീപത്തെ കടകളിലേക്ക് തീ പടരുന്നത് തടയാനുള്ള ശ്രമങ്ങളാണ് ഫയര്‍ഫോഴ്‌സ് ഇപ്പോള്‍ നടത്തുന്നത്. കെട്ടിടത്തിന്റെ ഗോഡൗണിലേക്ക് തീപടരുന്നത് തടയാനും ശ്രമം നടക്കുന്നുണ്ട്. ഷോര്‍ട്ട്‌സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. കൂടുതല്‍ ഫയര്‍ഫോഴ്‌സ് യൂണിറ്റുകള്‍ ഇവിടേക്ക് എത്തിക്കൊണ്ടിരിക്കുകയാണ്.