ഇസ്‌ലാമാബാദ്: വടക്കന്‍ പാകിസ്താനിലും അഫ്ഗാനിസ്താനിലും ഉള്‌പെടെ ഒമ്പതോളം രാജ്യങ്ങളില്‍ ഇന്നലെയുണ്ടായ ശക്തമായ ഭൂചലനത്തില്‍ ഒമ്പത് മരണം. മുന്നൂറിലേറെ പേര്‍ക്ക് പരിക്കേറ്റു. ഭൂകമ്പത്തില്‍ നിരവധി വീടുകള്‍ തകര്‍ന്നു.

പാകിസ്താനിലെ ഖൈബര്‍ പഖ്തൂണ്‍ഖ്വ പ്രവിശ്യയില്‍കുട്ടി അടക്കം രണ്ടു പേര്‍ മരിച്ചു. സ്വാത്തില്‍ 10 വയസുള്ള പെണ്‍കുട്ടിക്കും ലോവര്‍ ദറില്‍ 24കാരനുമാണ് ജീവന്‍ നഷ്ടമായത്. സ്വാത് ജില്ലയിലുണ്ടായ മണ്ണിടിച്ചിലില്‍ 20 കെട്ടിടങ്ങള്‍ക്ക് നാശനഷ്ടം സംഭവിച്ചു. പരിക്കേറ്റ 250 പേരെ സ്വാത് താഴ്‌വരയിലെ ആശുപത്രികളില്‍ പ്രവേശിപ്പിച്ചു. 15 പേര്‍ക്ക് നേരിയ പരിക്കാണ് റിപ്പോര്‍ട്ട് ചെയ്തത്.

അഫ്ഗാനിസ്താനില്‍ രണ്ട് മരണം സ്ഥിരീകരിച്ചിട്ടുണ്ട്. 20 പേര്‍ക്ക് പരിക്കേറ്റു. വീടുകളുടെ മേല്‍ക്കൂര തകര്‍ന്നു വീണാണ് കൂടുതല്‍ പേര്‍ക്കും ജീവന്‍ നഷ്ടപ്പെട്ടത്.