ബെയ്ജിങ്: ചൊവ്വയില്‍ ഇറങ്ങിയ ചൈനയുടെ സുറോങ് റോവറില്‍ നിന്ന് ആദ്യ ചിത്രങ്ങള്‍ ഭൂമിയിലെത്തി. ആദ്യ ചിത്രത്തില്‍ പേടകത്തിലെ സോളാര്‍ പാനലുകളും ആന്റിനയും കാമറയും ചൊവ്വയുടെ പരന്ന ഉപരിതലവും ദൃശ്യമാണ്.
ചൈനീസ് സമയം ഞായറാഴ്ച രാവിലെയാണ് റോവര്‍ ചൊവ്വയിലിറങ്ങിയത്. അമേരിക്കക്ക് ശേഷം ചൊവ്വയില്‍ പേടകം ഇറക്കുന്ന രണ്ടാമത്തെ രാജ്യമാണ് ചൈന. ആറു ചക്രമുള്ള റോവര്‍ ചൊവ്വയിലെ ഉട്യോപ്യ പ്ലാനിറ്റ എന്നു പേരിട്ട സ്ഥലത്താണ് ഇറങ്ങിയത്. ചൊവ്വയുടെ ഉത്തരാര്‍ധ ഗോളത്തിലാണ് ഈ പ്രദേശം. 90 ചൊവ്വാ ദിനങ്ങള്‍ റോവര്‍ ചിത്രങ്ങളയക്കുകയും പരീക്ഷണം നടത്തുകയും ചെയ്യും. നാസയുടെ സ്പിരിറ്റ്, ഓപര്‍ച്യുനിറ്റി പേടകങ്ങളുമായി കാഴ്ചക്ക് സാമ്യതയുണ്ട് ചൈനയുടെ സുറോങ് റോവറിന്.