തിരുവനന്തപുരം: രണ്ടാം പിണറായി മന്ത്രിസഭ ഇന്ന് 3.30 ന് സെന്‍ട്രല്‍ സ്റ്റേഡിയത്തില്‍ ഗവര്‍ണര്‍ ആരിഫ് മുഹമ്മദ് ഖാന്റെ മുന്നില്‍ സത്യപ്രതിജ്ഞ ചെയ്ത് അധികാരമേല്‍ക്കും. അഞ്ഞൂറ് പേരെയാണ് ക്ഷണിച്ചതെങ്കിലും മുന്നൂറിന് താഴെ ആളുകള്‍ മാത്രമേ ചടങ്ങില്‍ പങ്കെടുക്കുകയുള്ളൂ എന്നാണ് കണക്കുകൂട്ടല്‍.

മുഖ്യമന്ത്രിയും നിയുക്തമന്ത്രിമാരും ആലപ്പുഴയിലെ പുന്നപ്ര-വയലാര്‍ രക്തസാക്ഷിമണ്ഡപത്തിലെത്തി പുഷ്പാര്‍ച്ചന നടത്തിയതിനു ശേഷമാകും സത്യപ്രതിജ്ഞയ്ക്കായി എത്തുക. സത്യപ്രതിജ്ഞയ്ക്ക് ശേഷം മുഖ്യമന്ത്രിയും മന്ത്രിമാരും രാജ്ഭവനില്‍ ഗവര്‍ണറുടെ ചായസത്കാരത്തില്‍ പങ്കെടുക്കും. തുടര്‍ന്ന് സെക്ര ട്ടറിയേറ്റിലെത്തി ആദ്യ മന്ത്രിസഭാ യോഗം ചേരും. തുടര്‍ന്ന്് മന്ത്രിമാര്‍ അവരുടെ ഓഫിസുകളില്‍ ചുമതലയേല്‍ക്കും.