ദുബൈ: ദുബൈ ലോകകപ്പ് നാളെ ആരംഭിക്കുന്നതിനാല്‍ വാഹനമോടിക്കുന്നവര്‍ക്ക് ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റിയുടെ മുന്നറിയിപ്പ്.

അല്‍ മൈദാന്‍ സെന്റ്, അല്‍ ഖൈല്‍ റോഡ്, ദുബൈ അല്‍ ഐന്‍ റോഡ് എന്നിവയുള്‍പ്പെടെയുള്ള പ്രധാന റോഡുകളില്‍ ഉച്ചയ്ക്ക് 1 മണിക്കും അര്‍ധരാത്രിക്കും ഇടയില്‍ ഗതാഗതം തടസ്സപ്പെടുമെന്ന് പ്രതീക്ഷിക്കാമെന്നും ഡ്രൈവര്‍മാര്‍ നേരത്തെ പുറപ്പെടണമെന്നും ബദല്‍ റൂട്ടുകള്‍ ഉപയോഗിക്കണമെന്നും ആര്‍ടിഎ അറിയിച്ചു.

മെയ്ദാന്‍ റേസ്‌കോഴ്‌സില്‍ നടക്കുന്ന ദുബൈ ലോകകപ്പ് 12 രാജ്യങ്ങളില്‍ നിന്നുള്ള 126 കുതിരകള്‍ മൊത്തം 30.5 മില്യണ്‍ ഡോളര്‍ സമ്മാനത്തുകയായി മത്സരിക്കും.