കോഴിക്കോട്: സുപ്രഭാതം സീനിയര്‍ സബ് എഡിറ്ററും കേരള പത്രപ്രവര്‍ത്തക യൂണിയന്‍ സംസ്ഥാന കമ്മിറ്റി അംഗവുമായ യു.എച്ച്. സിദ്ദിഖിന്റെ നിര്യാണത്തില്‍ കാലിക്കറ്റ് പ്രസ്‌ക്ലബില്‍ ചേര്‍ന്ന യൂണിയന്‍ യോഗം അനുശോചിച്ചു.

പ്രസ് ക്ലബ് പ്രസിഡന്റ് എം.ഫിറോസ്ഖാന്‍ അധ്യക്ഷത വഹിച്ചു. സുപ്രഭാതം ഡയറക്ടര്‍ ബോര്‍ഡ് അംഗം നവാസ് പൂനൂര്‍ അനുസ്മരണപ്രഭാഷണം നടത്തി. സ്വന്തം സാമ്പത്തിക വിഷമങ്ങള്‍ ആരുമായും പങ്കുവെക്കാന്‍ തയ്യാറാകാതെ സദാ പ്രസന്നതയോടെ ജീവിച്ച വ്യക്തിയായിരുന്നു സിദ്ദിഖെന്ന് നവാസ് പൂനൂര്‍ അനുസ്മരണപ്രഭാഷണത്തില്‍ പറഞ്ഞു.

സുപ്രഭാതം സി.ഇ.ഒ. മുസ്തഫ മുണ്ടുപാറ, ചന്ദ്രിക പത്രാധിപര്‍ കമാല്‍ വരദൂര്‍, കെ.യു.ഡബ്ല്യു.ജെ. സംസ്ഥാന വൈസ് പ്രസിഡന്റ് പി.വി. കുട്ടന്‍, സംസ്ഥാന കമ്മിറ്റി അംഗങ്ങളായ കെ.സി. റിയാസ്, എം.വി. ഫിറോസ്, ജിനേഷ് പൂനത്ത്, അഞ്ജന ശശി, മുതിര്‍ന്ന മാധ്യമപ്രവര്‍ത്തകരായ സി.ഒ.ടി. അസീസ്, പി. അഹമ്മദ് ഷെരീഫ്, ദീപക് ധര്‍മ്മടം, ബൈജു കൊടുവള്ളി, ടി.കെ. ജോഷി എന്നിവര്‍ സംസാരിച്ചു. പ്രസ് ക്ലബ് സെക്രട്ടറി പി.എസ്. രാകേഷ് സ്വാഗതവും ജില്ലാ നിര്‍വാഹക സമിതി അംഗം ടി.വി. ലൈല നന്ദിയും പറഞ്ഞു.