മലപ്പുറം: കാളമ്പാടി മഖാം ഉറൂസ്  സെപ്റ്റംബര്‍ ആറ്, ഏഴ് തിയതികളില്‍ മലപ്പുറം  കാളമ്പാടി മഖാമില്‍ നടക്കും. സമുന്നത ഇസ്‌ലാമിക പണ്ഡിതരും സമസ്ത കേരളാ ജംഇയ്യത്തുല്‍ ഉലമായുടെ പ്രമുഖ നേതാക്കളുമായിരുന്ന അബ്ദുല്‍അലി കോമു മുസ്‌ലിയാര്‍, കോട്ടുമല അബൂബക്കര്‍ മുസ്‌ലിയാര്‍, കാളമ്പാടി മുഹമ്മദ് മുസ്‌ലിയാര്‍ എന്നിവരാണ് മലപ്പുറം കാളമ്പാടി മഖാമില്‍ അന്ത്യവിശ്രമം കൊള്ളുന്നത്.
ആറിന് വൈകീട്ട് ആറിന് സമസ്ത ഉപാധ്യക്ഷന്‍ എം.ടി അബ്ദുല്ല മുസ്‌ലിയാര്‍ പതാക ഉയര്‍ത്തും. ഏഴിന് നടക്കുന്ന പ്രഭാഷണ സദസ് സയ്യിദ്  സ്വാബിഖലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുല്‍ ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും.
ഏഴിനു  രാവിലെ ആറിനു മഖാമില്‍ വച്ച്  ഖത്മുല്‍ ഖുര്‍ആന്‍ സദസ് നടക്കും.  ഉച്ചയ്ക്ക് രണ്ടിന് ഫിഖ്ഹ് കോണ്‍ഫറന്‍സ്, നാലിന് സിദ്ദീഖീ സംഗമം, അഞ്ചിനു മൗലീദ് മജ്‌ലിസ് എന്നിവ നടക്കും.
ഏഴിന് നടക്കുന്ന അനുസ്മരണ സമ്മേളനം സമസ്ത ഉപാധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. പ്രസിഡന്റ് കുമരംപുത്തൂര്‍ എ.പി മുഹമ്മദ്  മുസ്‌ലിയാര്‍ പ്രാര്‍ഥന നടത്തും. സമസ്ത സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ അധ്യക്ഷനാകും.
സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ അനുസ്മരണ പ്രഭാഷണം നടത്തും. തുടര്‍ന്നു മജ്‌ലിസുന്നൂര്‍, ദിക്‌റ് ദുആ സമ്മേളനം നടക്കും. ഏലംകുളം ബാപ്പു മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും. തുടര്‍ന്ന്  അന്നദാനവും നടക്കും.