കാബുള്‍: അഫ്ഗാനിസ്ഥാൻ തലസ്ഥാനമായ കാബുളില്‍ ചാവേര്‍ ബോംബ് സ്‌ഫോടനത്തിൽ ആറ് മരണം. സ്‌ഫോടനത്തിൽ നിരവധി പേര്‍ക്ക് പരിക്കേറ്റു. ഒരു കുട്ടിയടക്കം 12 പേരാണ് പരിക്കേറ്റ് ചികിത്സയിലുള്ളതെന്ന് അധികൃതര്‍ വ്യക്തമാക്കി. മരിച്ചവരെല്ലാം സാധാരണക്കാരാണ്.

അഫ്ഗാനിസ്ഥാനിലെ വിദേശകാര്യ മന്ത്രാലയത്തിന് സമീപമാണ് സ്‌ഫോടനമുണ്ടായത്. വിദേശകാര്യ മന്ത്രാലയത്തിന് സമീപമുള്ള കച്ചവട കേന്ദ്രങ്ങള്‍ക്ക് സമീപത്തായിരുന്നു പൊട്ടിത്തെറി.

മൂന്ന് മാസത്തിനിടെ വിദേശകാര്യ മന്ത്രാലയത്തിന് സമീപം നടക്കുന്ന രണ്ടാമത്തെ സ്‌ഫോടനമാണിത്.