കൊച്ചി: നരേന്ദ്രമോദി ചരിത്രത്തെ വെല്ലുവിളിക്കുകയാണെന്ന്  കെ.പി.സി.സി പ്രസിഡണ്ട് വി.എം. സുധീരന്‍ ആരോപിച്ചു. ഗാന്ധിജിയെ തമസ്‌ക്കരിക്കുകയും ഗോഡ്‌സെയെ മഹത്‌വല്‍ക്കരിക്കുകയും ചെയ്യുന്നവര്‍ ചരിത്രത്തെ വെല്ലുവിളിക്കുകയാണ്. രാജ്യത്തെ പുരോഗതിയിലേക്ക് നയിച്ച നേതാക്കളെ തമസ്‌ക്കരിക്കാനാണ് കേന്ദ്ര സര്‍ക്കാര്‍ ശ്രമിക്കുന്നത്. കൊച്ചിയില്‍ രാജീവ് ഗാന്ധി സദ്ഭാവന ദിനത്തോടനുബന്ധിച്ച് സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലെ കോണ്‍ഗ്രസ് അംഗങ്ങളുടെ സമ്മേളനത്തില്‍ അധ്യക്ഷത വഹിക്കുകയായിരുന്നു അദ്ദേഹം.