വളാഞ്ചേരി: ഒന്നരക്കിലോ കഞ്ചാവുമായി യുവാവ് അറസ്റ്റില്‍. പായ്ക്കറ്റുകളിലാക്കി ചില്ലറ വില്‍പ്പന നടത്തുന്നതിനുളള കഞ്ചാവാണ് പിടികൂടിയത്. വളവന്നൂര്‍ കന്മനം ചിറക്കല്‍ വീട്ടില്‍ അബ്ദുറഹിമാനെ(23)യാണ് മലപ്പുറം എക്‌സൈസ് ഇന്റലിജന്‍സും കുറ്റിപ്പുറം എക്‌സൈസ് സംഘവും ചേര്‍ന്ന് പിടികൂടിയത്. ആവശ്യക്കാരാണന്ന വ്യാജേന കഞ്ചാവ് ഓര്‍ഡര്‍ ചെയ്ത പുത്തനത്താണിയില്‍ കാത്തിരുന്ന എക്‌സൈസുകാരെ കഞ്ചാവുമായെത്തിയ പ്രതികള്‍ തിരിച്ചറിഞ്ഞ് രക്ഷപ്പെടാന്‍ ശ്രമിച്ചെങ്കിലും പ്രതികളില്‍ ഒരാളായ അബ്ദുറഹിമാനെ സംഘം ഓടിച്ചിട്ട് പിടികൂടുകയായിരുന്നു.