തിരുവനന്തപുരം: താന്‍ കെ.പി.സി.സി അധ്യക്ഷ സ്ഥാനം ഏറ്റെടുക്കുമെന്ന വാര്‍ത്ത തെറ്റെന്ന് ഉമ്മന്‍ചാണ്ടി. കെ.പി.സി.സി അധ്യക്ഷ സ്ഥാനത്തില്‍ തീരുമാനം എടുക്കേണ്ടത് എ.ഐ.സി.സി ആണെന്നും ഉമ്മന്‍ ചാണ്ടി പറഞ്ഞു.

പ്രതിപക്ഷ നേതാവായി സ്ഥാനമേറ്റ വി.ഡി സതീശന് എല്ലാവിധ പിന്തുണയുമുണ്ടെന്ന് ഉമ്മന്‍ ചാണ്ടി പറഞ്ഞു. എല്ലാവരുടെയും സഹകരണത്തോടെ യു.ഡി.എഫ് മുന്നോട്ട് പോകുമെന്നും പരാജയത്തിന്റെ കാര്യങ്ങള്‍ പരിശോധിച്ച്, തിരുത്തി മുന്നോട്ട് പോകണമെന്നും ഉമ്മന്‍ ചാണ്ടി പറഞ്ഞു.