ന്യൂഡല്‍ഹി: ഇന്ത്യയില്‍ നിന്നും ഇസ്രാഈലിലേക്കുള്ള വിമാനസര്‍വീസ് പുനരാരംഭിക്കുന്നു. ഈ മാസം 31 ന് ഡല്‍ഹിയില്‍ നിന്നും വിമാനം സര്‍വീസ് നടത്തുമെന്ന് വിദേശകാര്യ സഹമന്ത്രി വി.മുരളീധരന്‍ അറിയിച്ചു.

ഡല്‍ഹിയില്‍ നിന്ന് ടെല്‍അവീവിലേക്കാണ് ആദ്യ സര്‍വീസ്. ജൂലൈ 31വരെയുള്ള സര്‍വീസുകള്‍ ക്രമീകരിച്ചിട്ടുണ്ടെന്നും മന്ത്രി വ്യക്തമാക്കി.

മേയ് 21ന് ശേഷം ഇസ്രഈല്‍ വീസ അനുവദിച്ചവര്‍ക്കാണ് യാത്ര ചെയ്യാന്‍ കഴിയുക. മുന്‍പ് വീസ ലഭിച്ചിട്ടുള്ളവര്‍ പുതുക്കണം. 72 മണിക്കൂര്‍ മുന്‍പുള്ള കോവിഡ് ആര്‍ടിപിസിആര്‍ പരിശോധനാ ഫലം യാത്രയ്ക്ക് അത്യാവശ്യമാണ്. ക്വാറന്റൈന്‍ ഉള്‍പ്പെടെയുള്ളതും യാത്രക്കാര്‍ പൂര്‍ത്തിയാക്കണം.