റിയോ ഡി ജനീറോ: 4-400 മീറ്റര്‍ റിലേയില്‍ ഇന്ത്യന്‍ പുരുഷ-വനിതാ ടീം ഫൈനല്‍ കാണാതെ പുറത്ത്. രണ്ടാം ഹീറ്റ്‌സില്‍ മത്സരിച്ച പുരുഷ വിഭാഗം ടീം അയോഗ്യരാക്കപ്പെടുകയായിരുന്നു. മുഹമ്മദ് കുഞ്ഞ്, മുഹമ്മദ് അനസ്, അയ്യാസാമി ധരുണ്‍, ആരോഗ്യ രാജീവ് എന്നിവരടങ്ങുന്ന ടീം 3.02. 24 സെക്കന്‍ഡില്‍ ഫിനിഷ ്‌ചെയ്‌തെങ്കിലും ബാറ്റണ്‍ കൈമാറുന്നതിലെ അപാകത കാരണം അയോഗ്യരാക്കപ്പെടുകയായിരുന്നു. ധരുണും രാജീവും തമ്മിലുള്ള കൈമാറ്റത്തിലാണ് പ്രശ്‌നം സംഭവിച്ചത്.
അതേസമയം വനിതാ വിഭാഗത്തില്‍ രണ്ടാം ഹീറ്റ്‌സില്‍ മത്സരിച്ച നിര്‍മല ഷിയോറന്‍, ടിന്റു ലൂക്ക, എം.ആര്‍ പൂവമ്മ, അനില്‍ഡ തോമസ് എന്നിവരടങ്ങുന്ന ടീമിന് 3.29.53 സെക്കന്‍ഡില്‍ ഫിനിഷ് ചെയ്‌തെങ്കിലും ഏഴആം സ്ഥാനത്തെത്താനേ സാധിച്ചുള്ളൂ. ഓവറോള്‍ റാങ്കിങില്‍ 13ാം സ്ഥാനത്താണ് ഇന്ത്യ. ഇന്നാണ് ഈയിനത്തില്‍ ഫൈനല്‍ നടക്കുക.