കൊല്ലം: സ്‌കൂളുകളിലും കോളജുകളിലും പ്രവര്‍ത്തിക്കുന്ന ലഹരിവിരുദ്ധ ക്ലബുകളുടെ സഹകരണത്തോടെ പ്രസിദ്ധീകരിക്കുന്ന ലഹരിവിരുദ്ധ ആശയങ്ങളടങ്ങിയ മാഗസിനുകള്‍ക്കും അവയിലെ രചനകള്‍ക്കും ഗാന്ധിജയന്തി വാരാഘോഷത്തടനുബന്ധിച്ച് എക്‌സൈസ് വകുപ്പ് കാഷ് അവാര്‍ഡ് നല്‍കും.
മികച്ച കോളജ് മാഗസിന്‍, സ്‌കൂള്‍ മാഗസിന്‍, മാഗസിനുകളിലെ മികച്ച ലേഖനം, കവിത എന്നീ വിഭാഗങ്ങളിലാണ് സമ്മാനം. അപേക്ഷകള്‍ സെപ്റ്റംബര്‍ ഏഴിന് വൈകിട്ട് അഞ്ചിനു മുമ്പ് കൊല്ലം ഡെപ്യൂട്ടി എക്‌സൈസ് കമ്മിഷണര്‍ക്ക് സമര്‍പ്പിക്കണം. കൂടുതല്‍ വിവരങ്ങള്‍ ജില്ലയിലെ എക്‌സൈസ് ഓഫിസുകളില്‍ ലഭ്യമാണ്.