വെഞ്ഞാറമൂട്: ജങ്ഷനിലും പരിസരങ്ങളിലും തെരുവുനായ ശല്യം രൂക്ഷമാകുന്നു. വെഞ്ഞാറമൂട് പൊലിസ് സ്റ്റേഷന്‍ കോംപൗണ്ടും പൊലിസ് സ്റ്റേഷന്‍ പരിസരവും തെരുവുനായ്ക്കളുടെ വിഹാര കേന്ദ്രമായി മാറിയ നിലയാണ്. സ്‌റ്റേഷനില്‍ കേസുമായി എത്തുന്നവരെ മിക്കപ്പോഴും സ്വാഗതം ചെയ്യുന്നത് ഇവിടെ താവളമടിച്ചിരിക്കുന്ന നായ്ക്കളാണ്.
ഇവയുടെ ആക്രമണ ഭീഷണിയിലാണ് പൊലിസുകാരും നാട്ടുകാരും. വെഞ്ഞാറമൂട് കവലയിലും മാര്‍ക്കറ്റ് പരിസത്തും തെരുവുനായ്ക്കളുടെ ശല്യം വര്‍ധിച്ചിരിക്കുകയാണ്.