കൊച്ചി: നീതിന്യായ സംവിധാനത്തിലെ ഇടപെടലുകളില്‍ ലക്ഷദ്വീപ് അഡ്മിനിസ്‌ട്രേറ്റര്‍ക്ക്് ഹൈക്കോടതിയുടെ മുന്നറിയിപ്പ്. പബ്ലിക് പ്രോസിക്യൂട്ടര്‍മാരെ കോടതി ജോലികളില്‍ നിന്ന് മാറ്റി ലീഗല്‍ അഡ്മിനിസ്‌ട്രേഷന്‍ ലീഗല്‍ സെല്ലില്‍ നിയമിച്ച നടപടി ഹൈക്കോടതി സ്‌റ്റേ ചെയ്തു.

അഡ്മിനിസ്‌ട്രേഷന്റെ നടപടി കോടതിയുടെ പ്രവര്‍ത്തനങ്ങള്‍ സ്തംഭിപ്പിച്ചെന്ന് പറഞ്ഞ കോടതി ലക്ഷദ്വീപ് അഡ്മിനിസ്‌ട്രേഷന്‍ വിശദീകരണം നല്‍കണമെന്നും ആവശ്യപ്പെട്ടു. ലക്ഷദ്വീപില്‍ നടക്കുന്ന കാര്യങ്ങള്‍ കോടതി അറിയുന്നുണ്ടെന്നും ഹൈക്കോടതി കൂട്ടിച്ചേര്‍ത്തു.

കോടതി എല്ലാം അറിയുന്നുണ്ട്. മാധ്യമ വാര്‍ത്തകളില്‍ നിന്ന് അറിഞ്ഞ വിവരത്തിന്റെ അടിസ്ഥാനത്തിലല്ല ചോദിക്കുന്നത്. ലക്ഷദ്വീപ് സബ് ജഡ്ജില്‍ നിന്നും വിവരങ്ങള്‍ ലഭിച്ചുവെന്നും കോടതി. ലക്ഷദ്വീപ് അഡ്മിനിസ്‌ട്രേറ്റര്‍ വിദശീകരണം നല്‍കണമെന്നും ഡിവിഷന്‍ ബഞ്ച് വ്യക്തമാക്കി.

അതിനിടെ അഡ്മിനിസ്‌ട്രേറുടെ ഫോണിലേക്ക് സന്ദേശം അയച്ചു എന്നാരോപിച്ചു നാലു പേരെ പൊലിസ് കസ്റ്റഡിയില്‍ എടുത്തു.