തിരുവനന്തപുരം ബവ്‌റിജസ് ഗോഡൗണില്‍ നിന്നും ആറു ദിവസങ്ങളിലായി നടത്തിയ മദ്യമോഷണത്തില്‍ പ്രധാനപ്രതി അറസ്റ്റില്‍. സംഭവത്തില്‍ എട്ടു പ്രതികള്‍ കൂടിയുണ്ടെന്നാണ് പൊലിസ് പറയുന്നത്. കവലയൂര്‍ സ്വദേശി രജിത്താണ് പിടിയിലായത്. കാറിലും ബൈക്കിലുമെത്തിയാണ് പ്രതികള്‍ മോഷണം നടത്തിയത്. 149 കെയ്‌സ് മദ്യമാണ് ആറ്റിങ്ങല്‍ ബവ്‌റിജസ് ഗോഡൗണില്‍ നിന്നു മോഷണം പോയത്. ആറ്റിങ്ങലും വര്‍ക്കലയിലും ലോ്ക് ഡൗണില്‍ വ്യാജമദ്യവില്‍പ്പന വ്യാപകമാണെന്ന വിവരം ലഭിച്ചിരുന്നു. ഇതിന്റെ അന്വേഷണത്തിലാണ് പ്രതികളെ കണ്ടെത്താനായത്.
മേയ് 22ന് വര്‍ക്കലയില്‍ പിടികൂടിയ വിദേശമദ്യത്തിന്റെ ഉറവിടം തേടിയാണ് വെയര്‍ഹൗസ് മാനേജരെ വിളിച്ചുവരുത്തി മദ്യത്തിന്റെ സ്‌റ്റോക്ക് പരിശോധിച്ചത്. 149 കെയ്‌സ് മദ്യത്തിന്റെ കുറവ് കണ്ടെത്തിയതോടെയാണ് മോഷണവിവരം വ്യക്തമായത്.