ഒരു കാലത്ത് യുവാക്കളെ ഹരം കൊള്ളിച്ച മാരുതി ആള്‍ട്ടോ 800 നിരത്തൊഴിയുന്നു. മോഡലിന്റെ ഉത്പാദനം പൂര്‍ണ്ണമായും അവസാനിപ്പിക്കുകയാണെന്ന് മാരുതി അറിയിച്ചു. പുതിയ മലിനീകരണ വ്യവസ്ഥകള്‍ ഉള്‍ക്കൊള്ളുന്ന മോഡലിലേക്ക് അപ്‌ഗ്രേഡ് ചെയ്യാന്‍ വാഹനത്തിന് കഴിയില്ല എന്ന് കമ്പനിക്ക് ബോധ്യപ്പെട്ടതിനെ തുടര്‍ന്നാണ് കമ്പനി ഉത്പാദനം നിര്‍ത്തിയത്.

ഇത് കൂടാതെ ആള്‍ട്ടോ 800ന്റെ വില്പനയും പതിയെ കുറഞ്ഞുവരികയാണെന്ന് അധികൃതര്‍ പറഞ്ഞു. ഉയര്‍ന്ന റോഡ് ടാക്‌സ്, മെറ്റീരിയല്‍ വില, പുതിയ നികുതി നിയമങ്ങള്‍ എന്നിവയും വാഹനത്തിന്റെ വില്പന കുറയാന്‍ കാരണമായി.