തിരുവനന്തപുരം: ലക്ഷദ്വീപ് ജനതയോട് ഐക്യദാര്‍ഢ്യം പ്രഖ്യാപിച്ചതിന്റെ പേരില്‍ നടന്‍ പൃഥ്വിരാജിനെതിരെ നടക്കുന്ന സംഘപരിവാര്‍ സൈബര്‍ ആക്രമണങ്ങള്‍ക്കെതിരെ മുസ്ലിം ലീഗ് നേതാവും മുന്‍ വിദ്യാഭ്യാസ മന്ത്രിയുമായ അബ്ദുറബ്ബ് രംഗത്ത്. പഴയ എടപ്പാളോട്ടം ഓര്‍മിപ്പിച്ചുകൊണ്ട് സംഘപരിവാറിനെ ട്രോളിക്കൊണ്ടാണ് അദ്ദേഹം ഫേസ്ബുക്കില്‍ കുറിപ്പിട്ടിരിക്കുന്നത്.

ജനനം മലപ്പുറം ജില്ലയിലെ എടപ്പാളിലാണ്, ' എടപ്പാളോട്ടം' മറക്കരുത് ''ജന'' മേ - അദ്ദേഹം പൃഥിരാജിന്റെ ചിത്രം പങ്കുവെച്ചുകൊണ്ട് ഫേസ്ബുക്കില്‍ കുറിച്ചു.

ലക്ഷദ്വീപിനെ പിന്തുണച്ചുകൊണ്ടുള്ള പൃഥിരാജിന്റെ ഫേസ്ബുക്ക് പോസ്റ്റിനെ അധിക്ഷേപിച്ച് ജനം ടിവി ഡയറക്ടറുടെ ലേഖനം പുറത്തുവന്നിരുന്നു. ഇതിനു പിന്നാലെയാണ് അബ്ദുറബ്ബിന്റെ പോസ്റ്റ്.