ചെറുതോണി : സംസ്ഥാന ഗവ. ജീവനക്കാര്‍ക്കും അധ്യാപകര്‍ക്കും ശമ്പള പരിധി നോക്കാതെ ഒരു മാസത്തെ ശമ്പളം ബോണസായി നല്‍കണമെന്നും ഉത്സവബത്തയും ഓണം അഡ്വാന്‍സും കാലോചിതമായി പരിഷ്‌ക്കരിക്കണമെന്നും എന്‍.ജി.ഒ അസോസിയേഷന്‍ ആവശ്യപ്പെട്ടു.
ഈ ആവശ്യങ്ങള്‍ ഉന്നയിച്ചുകൊണ്ട് സ്റ്റേറ്റ് എംപ്ലോയീസ് ആന്റ് ടീച്ചേഴ്‌സ് ഓര്‍ഗനൈസേഷന്‍ സെറ്റോയുടെ ആഭിമുഖ്യത്തില്‍ കലക്‌ട്രേറ്റ് മാര്‍ച്ചും ധര്‍ണ്ണയും നടത്തി.
എന്‍.ജി.ഒ അസോസിയേഷന്‍ സംസ്ഥാന സെക്രട്ടറി  കെ.എ മാത്യു ഉദ്ഘാടനം ചെയ്തു.
സെറ്റോ ചെയര്‍മാന്‍ റോയി ജോര്‍ജ്, എന്‍.ജി.ഒ അസോസിയേഷന്‍ ജില്ലാ പ്രസിഡന്റ് സണ്ണി മാത്യു, പി.എം ഫ്രാന്‍സിസ്, എസ് സുമതിക്കുട്ടി, സ്റ്റീഫന്‍ ജോര്‍ജ്, സാജു മാത്യു, സി.എം രാധാകൃഷ്ണന്‍, ഷിഹാബ് പരീത്, ബിജു തോമസ്, പി.ജെ റോയി, സി.എസ്. ഷമീര്‍, എന്‍.ബി വര്‍ഗീസ്, കെ.സി ബിനോയി, സിനീഷ് തോമസ്, ജോസ് ജേക്കബ്, അനില്‍ ടി. തോമസ് എന്നിവര്‍ നേതൃത്വം നല്‍കി.