ന്യുഡല്‍ഹി: അസര്‍ബൈജാനിലേക്ക് സോളോട്രിപ്പ് പോയ യുവാവിനെ കാണാനില്ലെന്ന് പരാതി. പ്രധാനമന്ത്രിക്കും ആഭ്യന്തര മന്ത്രിക്കും പരാതി നല്‍കിയിട്ടും നടപടി ഉണ്ടായില്ലെന്നും കുടുംബം ആരോപിച്ചു. ഏപ്രില്‍ 16നാണ് മണികാന്ത് കൊണ്ടോവീട്ടി എന്ന 28കാരന്‍ ഇന്ത്യവിട്ടതെന്ന് യുവാവിന്റെ സഹോദരന്‍ പറയുന്നു. മെയ് 12നുശേഷം ഇയാളുമായി ബന്ധപ്പെടാന്‍ സാധിച്ചിട്ടില്ല.

കഴിഞ്ഞ രണ്ടാഴ്ച്ചയായി യുവാവിനെക്കുറിച്ച് ഒരുബന്ധവുമില്ല. ഇന്ത്യന്‍ എംബസിയുമായി ബന്ധപ്പെട്ടപ്പോള്‍ ഏതെങ്കിലും കുന്നുകളിലുണ്ടാകുമെന്നാണ് മറുപടി നല്‍കിയത്. അന്വേഷണത്തിനായി ഒരുസംഘത്തെ അയച്ചിട്ടുണ്ടെന്നും എംബസി പിന്നീട് പറഞ്ഞു.