കൊല്ലം: ഫാക്ടറീസ് ആന്‍ഡ് ബോയിലേഴ്‌സ് വകുപ്പിന്റെ കൊല്ലം ആശ്രാമം ഒക്കുപ്പേഷനല്‍ ഹെല്‍ത്ത് ആന്‍ഡ് റിസര്‍ച്ച് സെന്ററിലെ ആധുനീകരിച്ച ഇന്‍ഡസ്ട്രിയല്‍ ഹൈജീന്‍ ലബോറട്ടറിയുടെ ഉദ്ഘാടനം 23ന് നടക്കും. എക്‌സൈസ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. രാവിലെ 11ന് നടക്കുന്ന ചടങ്ങില്‍ എം. മുകേഷ് എം.എല്‍.എ അധ്യക്ഷനാകും. ഫാക്ടറീസ് ആന്‍ഡ് ബോയിലേഴ്‌സ് (മെഡിക്കല്‍) ജോയിന്റ് ഡയരക്ടര്‍ ഡോ. റൂബന്‍ സി. സിറിള്‍ തൊഴില്‍ജന്യ രോഗനിര്‍ണയ റിപ്പോര്‍ട്ട് അവതരിപ്പിക്കും. മേയര്‍ വി. രാജേന്ദ്രബാബു മുഖ്യപ്രഭാഷണം നടത്തും. മുന്‍ മന്ത്രി പി.കെ ഗുരുദാസന്‍, കോര്‍ഷപ്പറേഷന്‍ കൗണ്‍സിലര്‍ ഹണി ബഞ്ചമിന്‍, കെ.പി രാമചന്ദ്രന്‍ നായര്‍ തുടങ്ങിയവര്‍ പങ്കെടുക്കും.