തിരുവനന്തപുരം: പ്രതിപക്ഷ നേതാവ് തെരഞ്ഞെടുപ്പ് സംബന്ധിച്ച് സോണിയാ ഗാന്ധിയെ പ്രതിഷേധമറിയിച്ച് രമേശ് ചെന്നിത്തല. പ്രതിപക്ഷ നേതാവായി ഒരാളെ നേരത്തെ തീരുമാനിച്ചിരുന്നത് തന്നെ അറിയിച്ചിരുന്നില്ല. തീരുമാനം നേരത്തെ അറിയിച്ചിരുന്നുവെങ്കില്‍ താന്‍ പിന്‍മാറുമായിരുന്നുവെന്നും രണ്ട് ദിവസം മുന്‍പ് സോണിയാ ഗാന്ധിക്ക് നല്‍കിയ കത്തില്‍ ചെന്നിത്തല പറയുന്നു.

സര്‍ക്കാരിനെതിരായ തന്റെ പോരാട്ടങ്ങള്‍ക്ക് പാര്‍ട്ടിയില്‍ നിന്നും പിന്തുണ ലഭിച്ചില്ല. പ്രതിപക്ഷ നേതൃസ്ഥാനത്ത് നിന്ന് നീക്കിയപ്പോള്‍ അപമാനിതനായെന്നും ചെന്നിത്തല കത്തില്‍ വ്യക്തമാക്കി.