ചത്തീസ്ഗഢ്: പഞ്ചാബ് മുന്‍ മുഖ്യമന്ത്രി ചരണ്‍ജിത്ത് സിങ് ചന്നിയടക്കമുള്ളവരുടെ പ്രത്യേക സുരക്ഷ പിന്‍വലിച്ചതിന് പിന്നാലെ 424 പേരുടെ കൂടെ സുരക്ഷ പിന്‍വലിച്ച് പഞ്ചാബ് മുഖ്യമന്ത്രി ഭഗവന്ത് മാന്‍. മുന്‍ മന്ത്രിമാര്‍, എം.എല്‍.എമാര്‍ എന്നിവര്‍ക്ക് പുറമെ വിരമിച്ച പൊലിസ് ഉദ്യോഗസ്ഥര്‍, മതനേതാക്കള്‍ എന്നിവരെല്ലാം ഇതില്‍ ഉള്‍പെട്ടിട്ടുണ്ട്.

പഞ്ചാബ് മുന്‍ ഡി.ജി.പി പി.സി ദോഗ്ര, മജിത എം.എല്‍.എ ഗനീവ് കൗര്‍ എന്നിവര്‍ പുതിയ പട്ടികയിലുണ്ട്. ഈ മാസം ആദ്യം അകാലിദള്‍ ലോക്‌സഭാ എം.പി ഹര്‍സിമ്രത് കൗര്‍ ബാദല്‍, മുന്‍ കോണ്‍ഗ്രസ് എം.പിയും ഇപ്പോഴത്തെ ബി.ജെ.പി നേതാവുമായ സുനില്‍ ജാഖര്‍, പഞ്ചാബ് മുന്‍ ഉപമുഖ്യമന്ത്രി ഒ.പി സോണി, എം.പി. ഹര്‍സിമ്രത് കൗര്‍ ബാദല്‍, മുന്‍ ക്യാബിനറ്റ് മന്ത്രി വിജയ് ഇന്ദര്‍ സിംഗ്ല എന്നിവരുടെയും ഉള്‍പ്പെടെ എട്ടുപേരുടെ സുരക്ഷയാണ് പിന്‍വലിച്ചിരുന്നത്.

പൊലിസുകാരെ ഇത്തരം സുരക്ഷാ ജോലികളില്‍ നിന്നും പിന്‍വലിക്കുന്നതിലൂടെ സാധാരണ ജനങ്ങള്‍ക്കായി ഇവരുടെ സേവനം ഉറപ്പാക്കാനാണ് ലക്ഷ്യമിടുന്നതെന്ന് മുഖ്യമന്ത്രി ഭഗവന്ത്മാന്‍ പറഞ്ഞു.