താമരശേരി: ദമ്പതികളെ മുഖംമൂടി സംഘം തട്ടിക്കൊണ്ടുപോയി. ഭാര്യയെ വഴിയില്‍ ഇറക്കിവിട്ടു. വെള്ളിയാഴ്ച രാത്രി ഒമ്പതു മണിയോടെ കാരാടിയിലാണ് സംഭവം. പരപ്പന്‍ പൊയില്‍ കുറുന്തോട്ടി കണ്ടിയില്‍ ഷാഫിയേയും ഭാര്യ സെനിയയേയുമാണ് ആയുധങ്ങളുമായെത്തിയ നാലംഗ സംഘം കാറില്‍ കയറ്റി കൊണ്ടുപോയത്. സെനിയെ വഴിയില്‍ ഇറക്കിവിടുകയായിരുന്നു. കഴുത്തിനും ദേഹത്തും പരുക്കേറ്റ സെനിയെ താമരശേരി താലൂക്ക് ആശുപത്രിയില്‍ പ്രവേശിപ്പിച്ചു.

സംഘവുമായി പിടിവലി നടന്ന ഭാഗത്തു നിന്നും പിസ്റ്റളിൻ്റെ അടര്‍ന്നു വീണ ഭാഗം കണ്ടെത്തി. വെള്ള സ്വിഫ്റ്റ് കാറിലാണ് സംഘം എത്തിയത്. ദുബൈയിൽ ബിസിനസുകാരനായ ഷാഫി നാട്ടിലെത്തിയിട്ട് ആറുമാസമായിട്ടുണ്ട്. താമരശേരി പൊലിസ് സ്ഥലത്തെത്തി അന്വേഷണം ആരംഭിച്ചു.