കൊച്ചി: എറണാകുളത്തു നിന്ന് കാണാതായ പൊലിസ് ഉദ്യോഗസ്ഥന്‍ തിരിച്ചെത്തി. എറണാകുളം ഹാര്‍ബര്‍ സ്റ്റേഷനിലെ എ.എസ്.ഐ ഉത്തംകുമാറാണ് ഇന്നു രാവിലെ തിരിച്ചെത്തിയത്.

വെള്ളിയാഴ്ച രാവിലെ മുതലാണ് ഉത്തംകുമാറിനെ കാണാതായത്. ഡ്യൂട്ടിക്ക് ഹാജരാകാത്തതിന് സിഐ ഉത്തംകുമാര്‍ വിശദീകരണം നല്‍കാനായി മേല്‍ ഉദ്യഗസ്ഥനെ സമീപിച്ചിരുന്നു. ഇവിടെനിന്നും ഇറങ്ങിയ ശേഷമാണ് ഇദ്ദേഹത്തെ കാണാതായത്

ഉത്തംകുമാറിനെ കാണാനില്ലെന്ന് ഭാര്യ പള്ളുരുത്തി പൊലിസില്‍ പരാതി നല്‍കിയിരുന്നു. മാനസിക സമ്മര്‍ദം മൂലമാണ് മാറിനിന്നതെന്നാണ് എ.എസ്.ഐ പറയുന്നത്. ഗുരുവായൂരിലേക്ക് പോയി തിരിച്ചുവന്നുവെന്നും ഉത്തംകുമാര്‍ പൊലിസിനു മൊഴി നല്‍കി.

അദ്ദേഹത്തിന്റെ ഭാര്യയുടെ പരാതിയുടെ അടിസ്ഥാനത്തില്‍ സംഭവത്തില്‍ പൊലിസ് കേസെടുത്തിരുന്നു. തിരിച്ചെത്തിയ ഉത്തംകുമാര്‍ പള്ളുരുത്തി പൊലിസ് സ്റ്റേഷനിലാണുള്ളത്. കേസ് രജിസ്റ്റര്‍ ചെയ്ത സാഹചര്യത്തില്‍ ഉത്തംകുമാറിനെ കോടതിയില്‍ ഹാജരാക്കുമെന്ന് പൊലിസ് അറിയിച്ചു.