ബംഗളുരു: ഭാരതീയ കിസാന്‍ മോര്‍ച്ച നേതാവ് രാകേഷ് ടികായത്തിന് നേരെ മഷിയേറ്. വാര്‍ത്താ സമ്മേളനത്തിനിടെ ടികായതിന്റെ മുഖത്തേക്ക് ഒരു സംഘമാളുകള്‍ മഷി ഒഴിക്കുകയായിരുന്നു.

മഷിപ്രയോഗത്തിന് ശേഷം ഇരുവിഭാഗങ്ങള്‍ തമ്മില്‍ കസേരകൊണ്ടുള്ള ഏറും കയ്യാങ്കളിയും നടന്നു.

ഭാരതീയ കിസാന്‍ യൂണിയന്‍ നേതാവായ ഇദ്ദേഹം, കര്‍ണാടകയിലെ കര്‍ഷക നേതാവ് പണം വാങ്ങുന്നതു ഒളിക്യാമറയില്‍ കുടുങ്ങിയ സംഭവം വിശദീകരിക്കാനാണു വാര്‍ത്താസമ്മേളനം വിളിച്ചത്.

സാധാരണ ജനങ്ങള്‍ക്ക് പൊലിസിന് ഒരു സുരക്ഷയും നല്‍കാന്‍ കഴിയുന്നില്ലെന്ന് രാകേഷ് ടികായത്ത് സംഭവത്തിന് ശേഷം ആരോപിച്ചു. കര്‍ഷകരുടെ വിജയം അംഗീകരിക്കാന്‍ ചിലര്‍ക്ക് ഇതുവരെ കഴിഞ്ഞിട്ടില്ല. അവരാണ് അക്രമത്തിന് പിന്നിലെന്നും രാകേഷ് ടികായത്ത് കൂട്ടിച്ചേര്‍ത്തു.