നരിക്കുനി: നരിക്കുനി സര്‍വിസ് സഹകരണ ബാങ്കിന്റെ ഹെഡ് ഓഫിസിന്റെ പുതിയ കെട്ടിട ഉദ്ഘാടനം കാരാട്ട് റസാഖ് എം.എല്‍.എയുടെ അധ്യക്ഷതയില്‍ സഹകരണ വകുപ്പ് മന്ത്രി എ.സി മൊയ്തീന്‍ നിര്‍വഹിച്ചു. ജില്ലാ സഹകരണ ബാങ്ക് പ്രസിഡന്റ് മനയത്ത് ചന്ദ്രന്‍ ആദ്യനിക്ഷേപം സ്വീകരിച്ചു.
കുടുംബശ്രീ യൂനിറ്റുകള്‍ക്കുള്ള പലിശരഹിത തയ്യല്‍മെഷീന്‍ വിതരണം നരിക്കുനി ഗ്രാമപഞ്ചായത്ത് പ്രസിഡന്റ് പി.കെ വബിതയും വായ്പാവിതരണം ടി.പി ശ്രീധരനും(ജോയിന്റ് രജിസ്ട്രാര്‍ ജനറല്‍, കോഴിക്കോട്) ലോക്കര്‍ ഉദ്ഘാടനം കെ രവീന്ദ്രനും (അസി. രജിസ്ട്രാര്‍ ജനറല്‍, കോഴിക്കോട്) നിര്‍വഹിച്ചു. കംപ്യൂട്ടര്‍ സ്വിച്ച് ഓണ്‍ കര്‍മം അബ്ദുല്‍ മുജീബ് (ജനറല്‍ മാനേജര്‍ കോഴിക്കോട്) പച്ചക്കറി സ്വയം പര്യാപ്തത പദ്ധതി ബി ജെ സീമ (കൃഷി ഓഫിസര്‍ നരിക്കുനി), വാഹനവായ്പ സി വേണുഗോപാല്‍ (പാക്‌സ് ഡവലപ്‌മെന്റ് സെല്‍ റിസോഴ്‌സ് പേഴ്‌സണ്‍, ജില്ലാ ബാങ്ക് കോഴിക്കോട്) എന്നിവരും നിര്‍വഹിച്ചു. വിവിധ രാഷ്ട്രീയ പാര്‍ട്ടികളുടെ പ്രതിനിധികള്‍ ആശംസകള്‍ അര്‍പ്പിച്ചു. സെക്രട്ടറി എം സി ഹരീഷ് കുമാര്‍ റിപ്പോര്‍ട്ട് അവതരിപ്പിച്ചു.