മലപ്പുറം: മന്ത്രി അഹമ്മദ് ദേവര്‍കോവില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളെ സന്ദര്‍ശിച്ചു. അഴിമതി രഹിതമായ ഭരണം കാഴ്ചവയ്ക്കാനും നാടിന്റെയും ജനങ്ങളുടേയും പുരോഗതിക്ക് വേണ്ടി പ്രവര്‍ത്തിക്കാനും മന്ത്രിക്ക് കഴിയട്ടെയെന്ന് തങ്ങള്‍ പ്രാര്‍ഥിച്ചു.
ഇന്നലെ രാവിലെ എട്ടു മണിയോടെയാണ് മുണ്ടക്കുളം ശംസുല്‍ ഉലമാ മെമ്മോറിയല്‍ ഇസ്‌ലാമിക് കോംപ്ലക്‌സില്‍ മന്ത്രിയെത്തിയത്. സമര്‍ഥരായ വിദ്യാര്‍ഥികളെ കണ്ടെത്തി ഖുര്‍ആന്‍ ലോകത്തിന് പരിചയപ്പെടുത്തുന്ന ബൃഹത്തായ പദ്ധതിയുള്ള ശംസുല്‍ ഉലമയുടെ പേരിലുള്ള സ്ഥാപനത്തിന് കാലിക പ്രസക്തിയേറെയുള്ളതായി മന്ത്രി പറഞ്ഞു. സെക്രട്ടറി അബ്ദുല്‍ ഗഫൂര്‍ ദാരിമി മുണ്ടക്കുളം, അന്‍വര്‍ മുതുവല്ലൂര്‍,ശബീര്‍ ചെറുവാടി സംബന്ധിച്ചു.